اسلام آباد۔30اپریل (اے پی پی) وفاقی وزیر اقتصادی امور احد خان چیمہ نال پاکستان اچ برطانوی ہائی کمیشن دی ڈویلپمنٹ ڈائریکٹر جوموئیر ملاقات کیتی اے۔ وزارت اقتصادی امور توں جاری بیان موجب ملاقات اچ فارن کامن ویلتھ ڈویلپمنٹ آفس دے ٹیم لیڈر رضوان اعظم اتے وزارت اقتصادی امور دے سینئر حکام وی موجود ہن ۔وزیر اقتصادی امور پاکستان اچ برطانوی ہائی کمیشن دے ڈویلپمنٹ ڈائریکٹر دا پاکستانی عوام کوں ݙتی ونڄݨ آلی مسلسل حمایت اتے مدد تے شکریہ ادا کیتے۔ انہاں خاص طور تے 2022 دی چھل اچ اہم امداد ݙیوݨ تے ایف سی ڈی او دے کردار اتے انٹرنیشنل پارٹنرز سپورٹ گروپ سانڳے انہاں دی حمایت دا اعتراف کیتے ۔ وفاقی وزیر پاکستان دی سماجی و اقتصادی ترقی سانڳے ایف سی ڈی او نال تعاون جاری رکھݨ سانڳے حکومت پاکستان دے عزم دا اعادہ کیتے ۔
.jpg)
