اسلام آباد۔19اکتوبر(اے پی پی)وزیر اعظم شہباز شریف آکھیے جو پاکستان اپݨے بیرونی قرضے ری شیڈول کرݨ دی کوشش نی کریندا پیا، چھل ماریے علاقیاں دی بحالی کیتے ودھ وسائل دی لوڑھ اے، سیلاب متاثرہ علاقیاں اچ سڑکاں، پلاں اتے ٻئے انفراسٹرکچر دی تعمیر نو جھیں وݙے منصوبیاں کیتے فنݙز دی لوڑھ پوسی، اساں صرف موسمیاتی انصاف منڳدے پئے ہیں، ایکوں تلافی نسے آہدے۔ اے ڳالھ انہاں عالمی جریدے ”فنانشل ٹائمز” کوں انٹرویو اچ آکھی جو اساں ری شیڈولنگ یا موریٹوریم دا نسے آہدے، اساں وادھو فنڈز منڳدے پئے ہیں جیندے نال ساݙی لوڑھ پوری تھ?? سڳے، ساکوں او امداد ن?? ملدی پئی جیندا وعدہ کیتا ڳئے، ساکوں چنتا اے جیکر اساں لوکاں دی توقعات پوریاں نا کیتاں تاں، ایندے نال سیاسی عدم استحکام و??ھس?? اتے اہداف پورے نا تھ??سن اتے مسائل ہتھو ودھسن، ایندا خطرہ نئیں بالکل پورا امکان موجود اے۔ وزیر اعظم شہباز شریف آکھیا جو اساں ” معاوضہ ” نسے آہدے ٻھل صرف موسمیاتی انصاف منڳدے ہیں جیڑھا ساکوں ملݨا چاہیدے، پاکستان کولو جتھو وی تھ??ا وادھو فنڈز کٹھے کریسی تاں جو موسمیاتی تبدیلی دے اثرات اتے تباہ کاریاں توں نکل سڳوں۔
.jpg)
