دوحہ۔24جنوری (اے پی پی) وفاقی وزیر خزانہ تے محصولات سینیٹر محمد اسحاق ڈار آکھیا جو پاکستان اتے قطر سائنس، ٹیکنالوجی ، زراعت اتے تعلیم سودھے مختلف شعبیاں اچ تعاون کوں ودھا سڳدن۔ وزیرخارجہ دے ڳالھ گزریل ݙینھ قطرے دے وزیر خزانہ علی بن احمد الکواری نال ملاقات اچ ڳالھ مہاڑ کریندیں ہوئیں آکھی۔ ایں موع تے وزیراعظم دے معاون خصوصی ڈاکٹر محمد جہانذیب اتے قطر اچ پاکستان دے سفیر محمداعجازوی موجود ہن۔ وزیرخزانہ فٹ بال دے عالمی کپ دے کامیاب اختتام تے قطر کوں مبارخ ݙتی۔ وزیرخزانہ قطر دے وزیرخزانہ کوں پاکستان اچ گزریل مون سون اچ تھیوݨ آلی بارشاں اتے بدترین چھل پاروں تھیوݨ آلے ضیان بارے ݙسیا اتے انہاں کوں حکومت ولوں بحالی اتے تعمیر نو دے کماں بارے ݙسیا۔ وزیر خزانہ قطر دےوزیر خزانہ کوں دورہ پاکستان دی وی دعوت ݙتی۔ ایں توں پہلے وزیرخزانہ قطر دے کیو ٹرمینلز دے وفد نال وی ملاقات کیتی۔ کیو ٹرمینلز دے چیف ایگزیکٹو آفیسر نوائل باسیت وفد دی قیادت کریندے پے ہن۔ ملاقات اچ لاجسٹک اتے بندر گاہاں دے آپریشنز دے شعبیاں اچ تعاون دے امکانات دا جائزہ ڳھدا ڳیا۔
