اسلام آباد۔23جولائی(اے پی پی)وفاقی وزیر خزانہ و محصولات سینیٹر محمد اورنگزیب فنانس ڈویژن اچ موڈیز ریٹنگز دے نمائنداں ??ال زوم میٹنگ کیتی اے اتے پاکستان دے معاشی اہداف اتے کامیابیاں تے بریفنگ ݙتی۔ انہاں غیر ملکی زرمبادلہ دے ذخائر 9 ارب امریکی ڈالر توں ودھاوݨ، 12.6 فیصد تے مستحکم افراط زر اتے غیر ملکی ترسیلات اچ 7.7 فیصد ودھارے دا ݙسایا۔ وزیر خزانہ بین الاقوامی مالیاتی فنڈ (آئی ایم ایف) نال پاکستان دے 9 مہینے دے سٹینڈ بائی ارینجمنٹ دی کامیاب تکمیل نال شروع تھیوݨ آلے پاکستان دے اڄوکے معاشی منظر نامے تے ودھ اڳونہی ݙتی اے اتے ایندے معاشی اشاریاں تے مثبت اثرات بارے الایا۔ انہاں ??لکی زر مبادلہ دے ذخائر، سٹاک ایکسچینج دی چنڳی کارکردگی اتے کنزیومر پرائس انڈیکس، افراط زر دی شرح دے معاملیاں تے ڳالھ مہاڑ کیتی۔ انہاں آکھیا جو ٹیکس بنیاد ودھاوݨ دی کوشش ا??، پچھلے سال دے مقابلے اچ ایں سال ٹیکس وصولی 30 فیصد ودھی اے اتے ݙیݙھ لکھ دکاندار پہلی واریٹ ٹیکس دہندہ ٻݨین، آئی ٹی برآمدات 3 ارب امریکی ڈالر توں ودھین، مالی استحاکم سانڳے ٹیکس ٹو جی ڈی پی دا تناسب ٻیا تکڑا کیتا ویسی۔ انہاں توانائی دے شعبے اتے ریاستی ملکیتی اداریاں اچ جاری اصلاحات خاص کر نجکاری اتے وفاقی اداریاں دی کارکردگی سودھا گڈ گورننس دی حکمت عملی تے الایا۔ انہاں اقتصادی اصلاحات دے ایجنڈے، آئی ایم پروگرام دی اڳونہی اتے محصولات جی ڈی پی دے ݙیݙھ فیصد تئیں ودھاوݨ دے اقدامات دا ݙسایا۔ موڈیز ریٹنگز دے نمائنداں جامع بریفنگ دی تعریف کریندے مضبوط مالیاتی اصلاحات اتے اسٹریٹجک اقدامات نال پاکستان دی اقتصادی راہداری تے اپݨا اعتماد ݙکھائے۔
.jpg)
.jpg)
.jpg)