آستانہ۔4جولائی (اے پی پی) وزیراعظم محمد شہبازشریف آکھیا جو شنگھائی تعاون تنظیم خطے دی عوام دی سماجی تے معاشی ترقی کیتے اہم کردار ادا کریندی پئی اے، ایس سی او ترقیاتی منصوبیاں کیتے متبادل فنڈنگ دا طریقہ کار ٻݨاوے، افغانستان اچ پائیدار امن اساݙا سانجھا ہدف اے، افغانستان دہشت گردی دے خلاف اقدامات کرے تانجو اوندی سرزمین کہیں ݙوجھے ملک دے خلاف استعمال نہ تھیوے۔ ریاستی دہشت گردی دی مذمت کیتی ونڄے، ??زہ اچ انسانیت سوز ظلم تھیندا پئے، پاکستان ایں سال اکتوبر اچ ایس سی او سربراہ اجلاس دی میزبانی کریسی، پاکستان ایس سی او ک??ں متحرک تنظیم ٻݨاوݨ اتے اہداف ڳھنݨ اچ آپݨا کردار ادا کریسی۔ اے ڳالھیں انہاں خمیس کوں شنگھائی تعاون تنظیم دی کونسل دے سربراہی اجلاس اچ خطاب کریندیں ہوئیں آکھی۔ انہاں آکھیا جو گزریل ہک سال توں ایس سی او دی چیئر دی حیثیت نال قازقسان بہترین کردار ادا کیتے۔ آندے سال کیتے صدر شی جن پھنگ کوں ایس سی او دی چیئرمین شپ ملݨ تے مبارخ ݙیندوں۔ ایس ای او خطے دی عوام دی سماجی تے معاشی ترقی کیتے اہم کردار ادا کریندی پئی اے۔ وزیراعظم آکھیا جو اساݙے چیلنجز سانجھے ہن، اساں رَل تے ترقی تے خوشحالی کیتے کم کرݨے۔ پاکستان آپݨے محل وقوع پاروں تجارت دی اہم گزرگاہ اے، سی پیک نال ترقی تے خوشحالی دی منزل آلے پاسے ویندا پئے۔ ایس سی او ترقیاتی منصوبیاں کیتے متبادل فنڈنگ دا طریقہ کار ٻݨاوے۔ ریاستی دہشت گردی دی مذمت کیتے ونڄے ۔ اسلامو فوبیا اتے لسانیت دے خلاف آوازچاوݨی پوسی۔ ??زہ اچ انسانیت سوز ظلم تھیندا پئے۔ انہاں آکھیا جو پاکستان ہر قسم دی دہشت گردی چاہے او ریاستی ہووے یا کہیں تنظیم یا بندے ولوں ہووے، اوندی مذمت کریندے۔ دہشت گردی اتے انتہا پسندی دے خلاف سانجھے اقدامات دی لوڑھ اے۔ بے گناہواں دی جاناں ڳھنݨ دا کوئی جواز نئی اتے نہ دہشت گردی کوں سیاسی پوائنٹ سکورنگ کیتے ڈھال ٻݨاوݨا چاہیدے۔ پاکستان تعصب اتے امتیاز ونڈ دی پالیسیاں اتے نسلی تے مذہبی بنیاد تے نفرت کوں ہوا ݙیوݨ دا مخالف اے۔ وزیراعظم آکھیا جو خودمختاری ، علاقائی سالمیت اتے لوکاں دے بنیادی حق خودارادیت دے عالمی طور منیے اصولاں دے احترام دی لوڑھ اے۔ اسلامو فوبیا دے خاتمے کیتے سانجھے اقدامات دی لوڑھ اے۔ اسلامو فوبیا اتے لسانیت دے خلاف آواز چاوݨی پوسی۔ وزیراعظم آکھیا جو اقوام متحدہ دی سلامتی کونسل دے پراݨے تنازعے دے حل کیتے قابل عمل فریم ورک موجود اے۔ اقوام متحدہ دی سلامتی کونسل دی قرارداداں تصفیہ طلب مسائل دے حل یقینی ٻݨاوݨ دی لوڑھ اے۔ ??زہ اچ انسانیت سوز ظلم تھیندا پئے۔ ایس سی او فلسطین دی صورتحال تے آواز چاوے۔ اسرائیل دی بربریت دی کاروائیاں دی مذمت اتے فوری جنگ بندی تھیوݨی چاہیدی اے۔ فلسطین اچ 37ہزار دے نیڑے معصوماں کوں شہید کیتا ڳئے جئیں اچ ودھ تعداد تریمتیں اتے ٻالاں دی اے۔ اسرائیل ولوں ویہہ لکھ فلسطینیاں کوں بے گھر کر ݙتا ڳئے۔ وزیراعظم آکھیا جو پاکستان مسئلہ فلسطین دے 1967 توں پہلے دی سرحداں دی بنیاداں تے ݙو ریاستی حل دا حامی اے جئیں دے تحت فلسطینی ریاستی دا قیام ہووے اتے اوندا دارالحکومت القدس ہوسے۔ پاکستان ایں سال اکتوبر اچ ایس سی او سربراہ اجلاس دی میزبانی کریسی، پاکستان ایس سی او ک??ں متحرک تنظیم ٻݨاوݨ اتے اہداف ڳھنݨ اچ آپݨا کردار ادا کریسی۔
.jpg)
.jpg)
.jpg)