اسلام آباد ۔ 9 جولائی (اے پی پی) ملائیشیا دے وزیر خارجہ حشام الدین حسین اپنڑے پاکستانی ہم منصب مخدوم شاہ محمود قریشی دی وختی صحت یابی کیتے دعاواں تے اپنڑی نیک تمناواں دا اظہار کیتے جڈاں جو وزیراعظم دے مشیر پارلیمانی امور ڈاکٹر بابر اعوان وی خمیس کوں وزیر خارجہ شاہ محمود قریشی نال ٹیلیفونک رابطہ کیتا تے وختی صحت یابی کیتے دعائیں ڈتیاں ۔ پاکستان مسلم لیگ (ن) دی مرکزی انفارمیشن سیکرٹری مریم اورنگ زیب وی وزیر خارجہ کوں فون کیتا۔ اپنڑی اتے اپنڑی والدہ طاہرہ اورنگزیب ولوں وزیر خارجہ دی خیریت دریافت کیتی۔ ایندے علاوہ رحیم یار خان توں ممبر قومی اسمبلی مخدوم سیّد مرتضیٰ محمود، سابق ایم این اے (جے ڈی اے، سندھ) سیّد کاظم علی شاہ اتے سابق سیکورٹی ایڈوائزر جنرل (ر) محمود درانی وی وزیر خارجہ نال رابطہ کیتا تے انہاں دی خیریت پچھی تے دعائیں ڈتیاں۔ وزیر خارجہ ملائیشین وزیر خارجہ سمیت انہاں ساری معزز شخصیات دا شکریہ ادا کیتا جنہاں انہاں دی خیریت پچھی تے وختی صحت یابی کیتے نیک تمناواں دا اظہار کیتا ۔
