اسلام آباد – 20 – مئي (اي پي پي) وقتي صدر سيد يوسف رضا گيلاني پاڪستان ملائيشيا تعاون کي گڏيل مفاد ۾ وڌيڪ مضبوط ڪرڻ جي ضرورت تي زور ڏيندي چيو آهي ته ٻنهي ڀائر ملڪن جي گڏيل مفاد جي لاءِ ٻطرفا لاڳاپا وڌيڪ مستحڪم ڪرڻ جي ضرورت آهي، پاڪستان ۽ ملائيشيا سمورن عالمي فورمز تي خوشگوار تعاون ڪري رهيا آهن، پاڪستان ملائيشيا تعاون کي گڏيل مفاد ۾ وڌيڪ مضبوط ڪرڻ جي ضرورت آهي. ايوان صدر جي پريس ونگ موجب وقتي صدر سيد يوسف رضا گيلاني رائل ملائيشين نيوي جي سربراهه ايڊمرل تان سري عبدالرحمان بن ايوب سان ڳالهائي رهيو جنهن ايوان صدر ۾ ساڻس ملاقات ڪئي. ملاقات ۾ پاڪ بحريه جي سربراهه ايڊمرل نويد اشرف پڻ موجود هو. وقتي صدر جو ٻنهي ڀائر ملڪن جي گڏيل مفاد ۾ سامونڊي شعبن ۾ تعاون جي وڌيڪ راهون ڳولڻ جي ضرورت تي زور ڏيندي اميد ظاهر ڪئي ته ٻنهي سامونڊي فوجن جي وچ ۾ تربيتي ۽ مٽاسٽا جي پروگرامن سان پاڪستان ۽ ملائيشيا جي وچ ۾ سامونڊي تعاون کي وڌيڪ سگهه ملندي. وقتي صدر جو پاڪستان ۽ ملائيشيا جي وچ ۾ ٻطرفي سامونڊي مشقن ۽ تربيتي تعاون جي باقا??ده انعقاد تي اطمينان جو اظهار ڪيو. هن ”امن“ مشقن ۾ باقا??ده شرڪت تي رائل ملائيشين نيوي کي ساراهيو. سيد يوسف رضا گيلاني چيو ته پاڪستان آسيان جو فل ڊائيلاگ پارٽنر بڻجڻ جي لاءِ ملائيشيا پاران مسلسل حمايت جو منتظر آهي. ان کان اڳ وقتي صدر خصوصي تقريب دوران رائل ملائيشين نيوي جي سربراهه کي نشان ام??يا?? (ملٽري) جو اعزاز عطا ڪيو. وقتي صدر ملائيشين نيول چيف کي نشان ام??يا?? (ملٽري) جو اعزاز حاصل ڪرڻ تي مبارڪباد ڏني. وقتي صدر ٻنهي ملڪن جي وچ ۾ سامونڊي تعاون وڌائڻ ۾ ايڊمرل جي ڪردار کي ساراهيو. ايڊمرل تان سري عبدالرحمان بن ايوب نشان ام??يا?? (ملٽري) سان نوازڻ تي وقتي صدر جا ٿورا مڃيا.
.jpg)
.jpg)
