اسلام آباد ۔ 7 مئی (اے پی پی) وزیراعظم محمد شہباز شریف دشمن دے رات دے اندھارے اچ پاکستان اُتے بزدلانہ حملے دا منہ ٻھن جواب ڈیوݨ تے مسلح فوج کوں خراج تحسین پیش کریندیں ہوئیں آکھیا جو اساݙی مسلح فوج کہ??ں وی جارحیت دا منہ ٻھن جواب ڈیوݨ کیتے تیار ہئی، پاک فضائیہ دے جواناں بھارتی غرور مٹی اچ ملا ݙتا، روایتی جنگ وچ پاکستان آپݨی برتری ثابت کیتی اے، ساری سیاسی جماعتاں پاکستان کوں عظیم تر بݨاوݨ کیتے اتحاد و اتفاق دا مظاہرہ کرن اتے ملک کیتے اساں سارے ہک مٹھ تھیووں۔ بدھ کوں قومی اسمبلی اچ خطاب کریندیں ہوئ??ں وزیراعظم آکھیا جو گزریل رات انڈیا دے بزدلانہ حملے وچ کئی ٻال، تریمتاں اتے مرد شہید تھی ڳئے، انہاں شہداء دے درجے اللہ بلند کرے اتے انہاں کوں جنت الفردوس اچ اعلیٰ مقام عطا فرماوے۔ وزیراعظم آکھیا جو 22 اپریل کوں انڈیا دے ناجائز زیر قبضہ کشمیر اچ واقع پہلگام اچ ہک افسوسناک واقعہ تھیا، ا??ں واقعہ دے فوراً بعد ایف آئی آر دا اندراج کیتا ڳیا اتے بغیر کہیں ثبوت دے میڈیا اتے حکومتی سطح تے پاکستان تے الزام لاوݨ شروع کر ݙتا ڳیا۔ انہاں آکھیا جو ایں توں کجھ عرصہ پہلے بلوچستان اچ دہشت گرداں جعفر ایکسپریس کوں ہائی جیک کیتا جئیں اچ بی ایل اے دے نال ٹی ٹی پی شامل ہئی اتے ایندے تانے بانے انڈیا نال ملدن پئے ہن جیں دے ناقابل تردید ثبوت موجود ہن، جئیں اچ درجناں شہادتاں تھئی ہن۔ ساݙے ایس ایس جی دے جواناں جوان مردی نال دہشت گرداں کوں جہنم واصل کر تے انہاں مغویاں کوں رہا کرایا جڈانجو بھارت ولوں ا??ں واقعہ دی مذمت تک نی کیتی ڳئی اتے دنیا دے سامھے ایندا مذاق اݙایا، او تاریخ اچ یاد رکھا ویسی۔ انہاں آکھیا جو پہلگام واقعہ دے بعد عالمی رہنماواں نال گالھ مہاڑ تھئی، اساں واضح کیتا جو پاکستان دا واقعہ نال پرے تئیں کوئی تعلق کائنی، ول وی صاف شفاف تحقیقات کیتے عالمی انکوائری کمیشن ٻݨاوݨ دی پیشکش کیتی، پر ایندا جواب نی ݙیتا ڳیا۔ وزیراعظم آکھیا جو اساکوں روزانہ اطلائیں ملدیاں ہن جو انڈیا ولوں ایں حملے کوں بنیاد بݨا تے کوئی جارحیت کیتی ویسی، افواج پاکستان 24 گھنٹے تیار ہن جو کݙاں دشمن دے جہاز اݙن اتے اساں انہاں کوں سبق سکھاؤں۔ انڈیا کوں اپݨے رافیل تے ٻہوں ناز ہا، کجھ ݙینھ پہلے انہاں دے جہاز اݙے تاں ساݙی فضائیہ ??ے شاہیناں انہاں دی کمیونیکشن ??اک کر ݙتی، او فوراً واپس سرینگر لَہہ ڳئے، اے ساݙی فوج دی تیاری اتے عزم دا اظہار ہا۔ انہاں آکھیا جو اساکوں انڈیا دے مذموم عزائم دی پل پل دی خبر ہئی، گزریل رات پوری تیاری نال انڈیا دے 80 جہازاں نال آزاد کشمیر دے ݙو شہراں، مریدکے، بہاولپور اتے سیالکوٹ اچ حملہ کیتا ڳیا، پاکستان دے عقاب مکمل تیاری اچ ہن، ساݙے جہازاں سرحد عبور نی کیتی اتے جنہاں طیاراں پاکستان اُتے حملہ کیتا انہاں اُتے جھپٹے اتے انڈیا دے پنڄ جہاز، ݙو ݙرون مار سٹیے ۔ انہاں آکھیا جو ایں توں وݙی عزت پاکستان دے عوام کوں نی مل سڳدی ہئی، اللہ ??ے شکر گزار ہیں جو اے آکھیندے ہن جو پاکستان روایتی جنگ اچ ٻہوں پچھوں اے، انہاں دے سارے تجزیے غلط ثابت تھئے، پاکستان دی فوج فولادی فوج اے، ایندی وجہ نال پاکستان کوں دنیا اچ تکریم ملی اے۔ انہاں آکھیا جو اسلام آباد اچ ہک شہید دا جنازہ اے جئیں اچ صدر مملکت اتے آرمی چیف دے رلے شرکت کرݨی اے تاں جو شہید دے خاندان اتے دنیا کوں اے سنیھا ونڄے جو شہید جنہاں جاناں دا نذرانہ ݙتے، آپݨے ٻالاں کوں یتیم کر تے قوم دے ٻالاں کوں یتیم تھیوݨ توں بچایا اتے سرحداں دی حفاظت کیتی، او قوم دے ہیرو ہن۔ انہاں آکھیا جو کل دے واقعہ اچ اللہ پاکستان کوں عظیم فتح عطا کیتی، اعلیٰ پائے دی تیاری اتے جذبہ حب الوطنی توں سرشار پاک فوج دے افسر تے جوان ہک جان ݙو قالب ہن، ایں کیتے پنج جہاز مار سٹیے ، اے ودھ وی تھی سڳدن ہن جڈانجو پاکستان تحمل دا مظاہرہ کیتا۔ انہاں اپوزیشن سودھے ایوان توں التماس کیتی جو ملک کیتے اساں سارے ہک مٹھ تھیووں، ایں توں ودھ چنڳا موقع کوئی نی تھی سڳدا، میں سپیکر چیمبر اچ انہاں نال ملݨ کیتے تیار ہاں، پاکستان کوں عظیم قوم بݨاوݨ دا ایہا موقع اے، اللہ قوم کوں ولا موقع ݙتے ۔ وزیراعظم آکھیا جو افواج پاکستان پاروں اڄ پاکستان دا سر اُچا اے۔ انہاں تجویز ݙتی جو ایں بہترین اتے منہ ٻھن جواب تے چیئرمین جوائنٹ چیفس آف سٹاف، آرمی چیف، پاک فضائیہ اتے بحریہ دے سربراہواں اتے جواناں کیتے تحسین دی قرارداد منظور کیتی ونڄے۔
