اسلام آباد۔10 مئی (اے پی پی) نائب وزیراعظم اتے وزیر خارجہ محمد اسحاق ڈار آکھیا جو پاکستان دی سول اتے فوجی قیادت بھرپور صبر تے تحمل دے بعد آپریشن بنیان المرصوص دا آغاز کیتے، انہاں ایں عزم دا اظہار کیتا ??و بھارت کوں خطے اچ بالادستی دا دعویٰ کرݨ دی موکل نہ ݙتی ویسی۔ ہفتے کوں ہک نجی ٹی وی چینل نال ڳالھ مہاڑ کریندیں ہوئیں وزیر خارجہ آکھیا جو ساݙے صبر دا پیمانہ لبریز تھی ڳئے، گزریل رات دے ایئربیسز تے بھارتی حملیاں دے بعد پاکستان دی سول اتے ملٹری قیادت دے کول جواب ݙیوݨ دے علاوہ ٻیا کوئی راہ نہ ہئی، جݙاں ڳالھ منافقت اتے ݙوہڑے معیار دی ہووے تاں اساں ہک حد توں اڳوں نی ودھ سڳدے۔ محمد اسحاق ڈار آکھیا جو پوری قوم دیاں دعائیں نال اللہ تعالیٰ اساں کوں فتح عطا کریسی۔ انہاں آکھیا جو حکومت تے ملک دی خودمختاری اتے سلامتی دے تحفظ دی اولین ذمہ داری اے۔ انہاں آکھیا جو پاکستان دی حکومت اتے مسلح افواج پر عزم ہن ??و بھارت کوں اپݨی بالا دستی دا دعویٰ کرݨ دی اجازت نہ ݙتی ویسی۔ انہاں آکھیا جو اڄ (ہفتے کوں) شروع کیتا ڳیا آپریشن کہیں نہ کہیں طرحاں ختم تھی ویسی جڈانجو سب کجھ ایں ڳالھ تے منحصر اے ??و بھارت کیا چاہندے۔ انہاں آکھیا جو پاکستان دے اقدامات دفاعی نوعیت دے ہن اتے پاکستان اڄ وی بھارت دے سابقہ اقدامات دا جواب ݙیوݨ د?? حق محفوظ رکھیندے۔ وزیر خارجہ آکھیا جو 6 اتے 7 مئی دی وچلی رات پاکستان دی بہادر مسلح افواج بھارتی حملیاں دا فیصلہ کن جواب ݙتے اتے 5 بھارتی جیٹ طیارے مار سٹین، اساں جارحانہ کارروائی نہ کیتی بلکہ جیہڑیاں کاروائیاں کیتیاں ڳئیں او دفاعی نوعیت دیاں ہن اتے دنیا دے سامݨے واضح ہن۔ وزیر خارجہ سینیٹر محمد اسحاق ڈار ٻیا آکھیا ??و بھارت مسلسل کوڑ مریندا پئے اتے ایں تائیں اساں بھارت دے 80 توں ودھ ڈرون مار ݙھائن۔ انہاں آکھیا جو اساں تحمل نال کم گھدے اتے ہݨ اساں جیہڑا کجھ وی کریندے پئیوں او ہک مناسب جوابی کارروائی اے، اگر بھارت اپݨی اشتعال انگیزی جاری رکھیندے تاں ٻیا رد عمل وی آسی۔ پاکستان دی قیادت دے بین الاقوامی برادری دے نال وسیع تر رابطیاں تے روشنی پیندے ہوئیں انہاں آکھیا جو دنیا بھارت دے گمراہ کن دعویاں اتے خاص طور تے پہلگام حملے اچ پاکستان دے ملوث ہووݨ دے الزامات دے بارے اچ ڄاݨدی پئی اے۔ انہاں آکھیا ??و بھارتی میڈی?? وی ایں حملے دے حوالے نال الزامات تے ثبوتاں دی عدم فراہمی تے آپݨی حکومت تے سوال چاوݨ شروع کر ݙتے ۔ انہاں آکھیا جو عالمی برادری بھارت کوں جوابدہ بݨ??وے?? انہاں ٻیا آکھیا ??و بھارت دے کوڑے دعویاں دے برعکس امریک?? وی باضابطہ طور تے تصدیق کیتی اے جو پاکستان دا کوئی وی ایف 16 طیارہ تباہ نی تھیا۔ سینیٹر محمد اسحاق ڈار آکھیا جو 24 اپریل کوں قومی سلامتی کمیٹی دے اجلاس دے بعد پاکستان کہیں وی بھارتی جارحیت اتے اقدام دا جواب ݙیوݨ کیتے تیار اے۔
.jpg)
.jpg)
.jpg)