اسلام آباد۔16اکتوبر(اے پی پی)وزیراعظم محمد شہباز شریف غزہ امن معاہدے اچ اہم کردار ادا کرݨ اتے مظلوم فلسطینیاں دی آواز بین الاقوامی سطح تے بھرپور طریقے نال چاوݨ تے سارے مسلمان ملکاں اتے خاص طور تے سعودی عرب دے کردار دی تعریف کیتی اے ۔ وزیراعظم دفتر دے میڈیا ونگ توں جاری بیان موجب وزیراعظم محمد شہباز شریف نال مسلم ورلڈ لیگ دے سیکرٹری جنرل اتے مسلم سکالرز آرگنائزیشن د?? چیئرمین ڈاکٹر مح??د بن عبدالکریم العیسیٰ وزیراعظم ہاؤس اچ ملاقات کیتی۔ وزیراعظم پاکستان آوݨ تے سیکرٹری جنرل کوں خوش آمدید آکھیا اتے انہاں دی سمجھ ٻجھ آلی قیادت دی تعریف کیتی۔ وزیراعظم آکھیا جو مسلم ورلڈ لیگ عالمی سطح تے اسلام دے حقیقی تشخص کوں ودھارا ݙیوݨ اتے مسلم دنیا دے سانجھے مقاصد دی وکالت دے حوالے نال ٻہوں اہم کردار ادا کریندی پئی اے، مذہب، عقیدے اتے تہذیباں وچال آپت دے احترام اتے افہام و تفہیم کوں ودھارا ݙیوݨ اچ وی مسلم ورلڈ لیگ اڳوں اے۔ انہاں آکھیا جو اڄوکے سال مسلم ورلڈ لیگ دے تعاون نال مسلم دنیا دیاں تریمتاں اتے چھوہریں دی تعلیم دے حوالے نال بین الاقوامی کانفرنس دا انعقاد ٻہوں چنڳی ڳالھ ہئی ، مستقبل اچ ایں طرح دیاں کانفرنسز دے انعقاد اچ پاکستان ہر ممکن تعاون کریسی۔ وزیراعظم ملاقات اچ پاکستان دے سعودی عرب دے نال پراݨے بھرپی دے تعلقات دا ذکر کریندے خادم الحرمین شریفین سعودی فرمانروا شاہ سلمان بن عبدالعزیز اتے سعودی ولی عہد / وزیرِاعظم مح??د بن سلمان السعود کیتے نیک خواہشات دا اظہار کیتا۔ وزیراعظم غزہ امن معاہدے اچ شاندار اتے ٻہوں اہم کردار ادا کرݨ اتے مظلوم فلسطینیاں دی آواز بین الاقوامی سطح تے بھرپور طریقے نال چاوݨ تے سارے مسلم ملکاں خاص طور تے سعودی عرب دے کردار دی تعریف کیتی۔ سیکرٹری جنرل ورلڈ مسلم لیگ پاکستان اچ پُرتپاک استقبال اتے میزبانی تے وزیراعظم دا شکریہ ادا کیتا۔ ملاقات اچ نائب وزیراعظم / وزیرخارجہ اسحاق ڈار، وفاقی وزیر قانون و انصاف اعظم نذیر تارڑ اتے پاکستان اچ سعودی عرب دے سفیر نواف بن سعید المالکی وی موجود ہن۔