تاشقند۔9اپریل(اے پی پی) چیئرمین سینیٹ سید یوسف رضا گیلانی بین الپارلیمانی یونین دے 150 ویں اجلاس دے موقع تے بحرین دی شوریٰ کونسل دے چیئرمین نال ملاقات کیتی تے پاکستان تے بحرین وچال برادرانہ تعلقات اتے ݙوپاسے تے پارلیمانی ر??بط?? کوں مزید ودھارا ݙیوݨ سانڳے امور تے تفصیلی ڳالھ مہاڑ کیتی ۔ سینٹ سیکرٹریٹ توں جاری اعلامیہ موجب چیئرمین سینیٹ بحرین دےشاہ حمد بن عیسیٰ الخلیفہ سانڳے پاکستان دی قیادت اتے عوام دی طرفوں نیک خواہشات دا اظہار کیتے تے ݙوہیں ملکاں وچال تاریخی، ثقافتی اتے مذہبی رشتے دی تعریف کیتی ۔ملاقات دے دوران پارلیمانی تعاون، اقتصادی و علاقائی ر??بط?? کوں مزید ودھاݨ دا عزم کیتے ۔ ݙوہیں رہنماواں پارلیمانی وفد دے باقاعدہ تبادلیں، مشترکہ کمیٹیاں دے ذریعے تعاون اتے اد??رہ جاتی ر??بط?? کوں تکڑا بݨاوݨ سانڳے جامع فورمز تے زور ݙتے۔ چیئرمین سینیٹ سید یوسف رضا گیلانی اپݨے دور اچ بطور وزیر اعظم پاکستان بحرین دی قیادت نال تھیوݨ آلی ملاقاتاں دا حوالہ ݙیندے آکھیے انہاں ملاقاتاں دفاع، تجارت، اتے محنت کشاں دے شعبیں اچ جاری تعاون دی بنیاد اتے رستے ہموار کیتن ۔ چیئرمین سینیٹ اقتصادی سفارت کاری کوں پاکستان دی خارجہ پالیسی دا اہم ستون قرارݙیندے آکھیے پاکستان-بحرین مشترکہ بزنس کونسل دے قیام دی تجویز ݙتی تے خصوصی اقتصادی زونز ، انفراسٹرکچر، آئی ٹی ،دفاع ،توانائی تے سیاحت دے شعبیں اچ موجود سرمایہ کاری دے موقع تے روشنی پاتی ۔ انہاں نجی شعبے وچال ر??بط?? ودھاوݨ تے پائیدار تجارتی و سرمایہ کاری شراکت داری دے ودھارے دا خیر مقدم کیتے ۔ ݙوہیں رہنماواں دفاعی تعاون دی اہمیت کوں منیے تے چیئرمین سینیٹ تربیت اتے استعداد کار ودھاوݨ دے شعبے اچ تعاون دی پیشکش وی کیتی۔ محنت کشاں دے حوالے نال ڳالھ کریندے چیئرمین سینیٹ بحرین تے زور ݙتے جو او ہنرمند پاکستانی کارکناں سانڳے روزگار دے موقع اچ مزید وسعت سانڳے اقدامات چاون ۔چیئرمین سینیٹ آکھیے بحرین اچ رہݨ آلے پاکستانی بحرین دی معیشت اچ اہم کردار نبھیندے پئن ،علاقائی اتے کثیرالجہتی تعاون وی ملاقات دا اہم موضوع رہیا۔ چیئرمین سینیٹ آئی پی یو او آئی سی اتے ای سی او جیھے اہم فورمز دے ذریعے امن و ترقی کوں ودھارا ݙیوݨ دے سانجھے لائحہ عمل دے قیام تے زور ݙتے تے ماحولیاتی تبدیلی، خوراک دے تحفظ اتے اقتصادی استحکام جیھے عالمی چیلنجز تے مشترکہ اقدامات دی لوڑھ تے تفصیلی روشنی پاتی ۔عوامی سطح تے ر??بط?? کوں تکڑا کرݨ سانڳے ثقافتی اتے تعلیمی تبادلیں دی تجویز ݙتی ڳئی جنہاں اچ طالبیں دے تبادلے دے پروگرام تے علمی تعاون شامل اے۔چیئرمین سینیٹ سید یوسف رضا گیلانی بحرین دی شوریٰ کونسل دے چیئرمین نال ملاقات دے چھیکڑ تے فلسطینی اتے کشمیری عوام دے حق خود ارادیت سانڳے پاکستان دی غیرمتزلزل حمایت دا اعادہ کیتے تے بین الاقوامی فورمز تے انصاف اتے انسانی حقوق سانڳے سانجھی آواز چاوݨ تے زور ݙیندے اقوام عالم توں اپیل کیتی جو او فلسطین اتے مقبوضہ کشمیر اچ انسانی حقوق دی بدترین پامالیاں دے تدارک سانڳے اقدامات چاون ۔ انہاں پاکستان-بحرین وچال برادرانہ تعلقات دے مسلسل ودھارے تے اعتماد دا اظہار کیتے تے مستقبل اچ اعلیٰ سطحی پارلیمانی وفد دے تبادلیں تے زور ݙیندے انہاں کوں دورہ پاکستان دی دعوت وی ݙتی۔
.jpg)
